लेख,रचना,साहित्य,समाचार,गीत,गजल,कबिता,आदि,इत्यादि ।।।

ज्ञानेन्द्र गदाल (हाल: अरोरा, कोलोराडो)

(‘डायस्पोरा नेपाली कविता: अमेरिका विशेष’का लागि कवि ज्ञानेन्द्र गदालको संयोजनमा)

जन्मदिनको शुभकामना

शुभदिन हो आज तिमीले,
यस धर्तिमा जन्म लिएको
सुन्दर सृष्टि जगमग पार्न, र्
इश्वरले एक फूल दिएको ।
शुभ होस् तिम्रो सधैं सधैं, जय होस् तिम्रो सधैं सधैं ।

कैले नगन्नु वितिसकेका,
दिनहरु अनि बर्षरु
कैले नभन्नु मेरा भएनन्,
छुटिसकेका हर्षरु
जो वित्नुथ्यो वितिसक्यो,
जो छुट्नुथ्यो छुटिसक्यो
सिर्जनाका बृक्ष उमार्न,
उठाऊ तिम्रा हातहरु ।
शुभ होस् तिम्रो सधैं सधैं, जय होस् तिम्रो सधैं सधैं ।

अब उदाउने दिनहरुमा,
हिंड्दा हुरी कांढा नहोस्
सुन्दर सुन्दर स्वप्नहरुलाई
चुम्ने दुरी टाढा नहोस्
जीवन हो यो जाडो गर्मी
सहनैपर्छ हामी सबैले
आंशु हांसो सहने साहस
सधैं तिमीमा आइरहोस्
शुभ होस् तिम्रो सधैं सधैं, जय होस् तिम्रो सधैं सधैं ।

विजय राज शर्मा (डेनभर, कोलोराडो)

(‘डायस्पोरा नेपाली कविता: अमेरिका विशेष’का लागि कवि ज्ञानेन्द्र गदालको संयोजनमा)

दुर्भाग्यको झोंक्का

आर्कटिक सागरबाट बगेको सिरेटोले जस्तै
जब दुर्भाग्यको झोंक्काले मेरो छाति छेड्दछ
बाक्लो हुस्सुले तलाउलाई ढपक्क ढाकेझैं
जब छटपटीले मेरो मस्तिष्कलाई ढाक्दछ
त्यसबखत बिलाउँछ मेरो अनुहारबाट आभा
मबाट हराउँछ चनाखोपन र प्रत्युत्पन्नमति।
म उभिन त उभिन्छु कक्षामा पढाउन
तर मात्र भट्याउँछु कुनै भरिएको टेपसरी
निस्सासिन थाल्दछ मेरो जीवन
जिउनु बन्दछ सुल्झाउनै नसकिने पहेली।
यस्ता क्षणमा म चाहन्छु भइजान निश्चल
जसरी हुने गर्दछ ब्याट्री सकिएको पुतली
साँच्चिकै साँच्चिकै चाहन्छ मेरो दिल
रोकियोस् यो पृथ्वी, थामियोस् पूर्ण प्रकृति।
तर उफ्! मैले चाहेर मात्र के हुन्छ र?
घुमिरहन्छ घडीको सियो, रोकिंदैन खोलाको गति
मानिसको उदासीको के नै मूल्य छ र समयचक्रलाई?
आफैले आफुलाई ठूलो मानेर के हुन्छ नै,
जब चिन्ता छैन कसैको कसैलाई।

नम्रता गुरागाईं (नेब्रास्का)

(‘डायस्पोरा नेपाली कविता: अमेरिका विशेष’का लागि कवि ज्ञानेन्द्र गदालको संयोजनमा)

चिसोसंगको लडाइ

अचेल
कलिला दिनहरुमाथि
छिप्पिएको चिसो
बिहानैदेखि परेड खेल्छ
निम्सरो घाम अबेर आउछ
एकछिन चिसोको आखा छल्दै
हामीलाइ तताएर
बीसको उन्नाइस बनाउछ
समय ओरालो लागेपछि खै के हुन्छ कुन्नी
घाम अघिनै
डांडामाथिबाट हामीलाइ हात हल्लाउछ । Read more